Betribig?!?

    Sali zämme


    Bi vom Mai bis mitti Juli im usland gsi.
    Ha all mini rächnige gno ka, ussert eini wo spöter bi mir ir post isch itroffe.
    Woni bi hei cho hani gseh, dass si mi ar inkasso stell hei gä. Und die hent mir e witere Rächnig gschickt zur letschte forderig.
    Has natürlech umgehend zahlt.


    Jetz imene Internetbestellig hei si mir sendig verweigeret, wöu ig betribe worde sig :roll:


    Chani das irgendwie rückgängig mache und die Betribig lösche?


    Und das söt ja kei betribig si, will ig das jo glich zahlt han???
    Verstoh das bitz nid.
    Merci für dAntworte.


    MfG

    Hei du


    Schaffe i de Buechhaltig und mache selber Betribige well gwüssi Chunde nöd zalled.. drum versuech der also chli z helfe :)


    Gsehn ich das richtig, dass du d Rechnig direkt nach erhalt vo de Betriebig zallt hesch?
    Wenn ja chasch du schriftlich bi de Firma wo dich betribe het ihfordere, dass d Betriebig bim Betriebigsamt glöscht wird. Wichtig isch, dass du d löschig vo de Betriebig verlangsch und nöd nume s "erledige".
    S Betriebigsamt duet normalerwiis uf em Betribigsuszug vermerke, dass d Betriebig zallt resp. erledigt isch. Wend aber e schriftlichi löschig verlangsch, muänd die betriibend Firma bim Betribigsamt e löschig in uftrag geh und s Betriebigsamt muen de Ihtrag lösche ergo din Betriibigsuszug isch nacher wieder lär.


    Theoretisch chasch also jedi Rechnig nöd zalle, jedes mal d Betriibig abwarte und wend die zallt hesch d löschig vo de Betribig verlange und hesch immer en suubere Betriibigsuszug... wovo das ja ken Mensch macht ;)


    Jetzt no zum zweite Punkt:
    Was dini Internetbstellig ahgaht isch mini Frag: isch die Bstellig wieder bi de gliche Firma gsi? Wenn ja isch ziemlich logisch das die dich nüme wend beliefere.. wels ja münd angscht ha, dasd wieder nöd zallsch... i dem Fall würd ich dir es Tel. ahrate wod em Chundedienst dini Situation mit de Abweseheit erchlärsch und ene seisch das es es versehe gsi isch und den chasch nume hoffe das die Firma dich wieder is Chunderegister ine nimmt... ansonsten chasch nüt mache.. isch jedere Firma freigstellt öbs dich wend beliefere oder nöd...


    Wens aber e anderi Firma isch und die eifach usegfunde hend, das du mal e Betriibig gha hesch wels bim Amt de Betriibigsuszug ihgforderet hend, so hesch eifach d möglichkeit, wie am ahfang beschriebe din Uszug lösche z lah.. so das den wieder e reini Weschte hesch und kene meh chan gseh dasd mal öppis gha hesch...


    Alles klar? :)
    Hoffe ha der chöne helfe und suscht frögsch eifach... Aber isch schön wen mis Bürowüsse au für anderi bruchbar isch :)


    Liebi Grüäss
    Sina

    :o :o :o
    Merci viel mou!
    Weiss jetz es bitz meh ;)


    Übrigens isch bstellig nid vor gliche Firma gsi. Bi aber ziemli am stune gsi wo si mir das hei mitteilt.
    Jedefalls mache das grad schriftlech und per ischribe :nod:


    Schöne obe


    Edit. Hesch jetz du und din fründ e s2000?
    Oder bisch nid du das gsi? :)

    Hehe ja den isch ja tip top. Wichtig isch dasd ene im Brief schribsch dasd e Kopie welisch vom Schribe wo die Firma as Betriibigsamt macht... und wend die übercho hesch wartisch mal so ca. ei Wuche und den frögsch mal bim Betriibigsamt nach öb din Ihtrag jetzt glöscht segi :)


    Ja mer wartet no uf de Winter.. den sinds e bitzeli billiger.. momentan simmer no fliessig am Stüüre zalle *grins*
    Usserdem hemmer nochli es Parkplatz-Problem.. zügled per 1.10.07 i e noii Wohnig.. und det hends chli Parkplatznot i de Garage und im moment gits pro Wohnig nume 2 PP i de Tüüfgarage.. und erscht wenn alles vermietet isch luegets öb mer no en 3te chönted ha...
    und da de Firmewage vom Fründ und min neue Occasion-Polo vo ahfangs Jahr sicher id Garage müend, hetted mer momentan nöd mal Platz zum understelle.. aber ebe.. wer 5 Jahr wartet, chan die paar Mönet au no warte *smile* aber d Vorfroid isch jetzt scho riiiisiiig und ha grad hüt a de Badefahrt wieder en Schwarze S2000 gseh und s Härz het grad Luftsprüng gmacht *lach* aber Gutding will Weile haben :D

    Zitat

    Original von sina2000
    Theoretisch chasch also jedi Rechnig nöd zalle, jedes mal d Betriibig abwarte und wend die zallt hesch d löschig vo de Betribig verlange und hesch immer en suubere Betriibigsuszug...


    Wäre aber ein teurer Spass, da das Betreibungsamt immer auch die eigenen Kosten (Höhe je nach Forderungshöhe) miteinkassiert... :nod:

    Zitat

    Original von Tomcat
    Wäre aber ein teurer Spass, da das Betreibungsamt immer auch die eigenen Kosten (Höhe je nach Forderungshöhe) miteinkassiert... :nod:


    Naja, meistens wird die Überweisung nicht via Betreibungsamt, sondern gleich direkt vom Kunden an die Firma getätigt.. so werden die Betreibungskosten nicht bezahlt.. und keine resp. fast keine Firma fordert nach Erhalt der Zahlung nochmals die Betreibungskosten ein... Die meisten Firmen sind froh, wenigstens den Rechnungsbetrag erhalten zu haben und sehen die Angelegenheit danach als erledigt an...
    Aber ich kenne so jemanden, der doch schon einige Betreibungen hatte und jede wieder löschen liess *ggg*