Idee: Mobile Stamm

Ha die letschte Täg - aagregt dur de Sponti-Träff uf de Habsburg - e chli übers Thema CH-Stammtisch nochetänkt. Aber nur irgendwo träffe und Stamm ha isch je nochdäm au ööd. So öppis wie am Sunntig findi guet: Mischig us änefahre (leider nur zum Teil gmeinsam), öppis aaluege und gmüetlich zämehocke.

Somit lancier ich d'Idee vom Mobile Stamm

Söll zwüsche emene 'stuure' Stammtisch (wo im Winter ä Option wär) und eigentliche Events wie Ganztagestoure lige. Was mir vorschwäbt:

eine kennt e tolli Strecki, en Besichtigungspunkt, e gmüetlichi Beiz oder was au immer und laadt zum ene mobile Stamm y
eher churzfrischtig abmache, wenn mer ungfähr s'Wätter könnt
e gmeinsami Fahrtstrecki sött dinne sy (wenn also z.B. Uussichtsbeiz: vomene Träffpunkt us zäme uefahre), aber au gnueg Zyt zum Quatsche und e (Flüssig-)Verpflegigsmöglichkeit sötts gä
drü 'S' länget, das es stattfindet (gyt andere d'Möglichkeit, sich churzfrischtig aazschlüsse)
Zytrahme: paar Stund bis halbe Tag

Wie scho andernorts aatönt, würd i (sobald d'OZ mit Summerpneu ändlich druff sind) mol vo Aarau uus zunere Uusfahrt is Blaue ylade. Programm: quer dur d'Lanschaft um es paar Kurve, en kulturelle Punkt und dänn ab id Beiz...

P.S. Daf natürlich statt öppis Kulturells au öppis sportlichs sy. Kegeln, Minigolf, Bowling, Billard etc. Aber eigentlich längt's, wänn s'Auto sportlich isch!

Mer händ jo niene e grösseri Aahüfig vo 'S', sondern sie sind rächt wyt ume verteilt. Wenn eine i synere Region mit dene us de Umgäbig öppis macht, chönd die vo wyter ewäg jo immer no entscheide, dass ne das die längeri Aafahrt au wärt isch.

Schaad isch eifach, wenn wie s'letscht Johr lang öppis grosses planet wird und dänn wegem Wätter (buechstäblich) is Wasser gheit. So passiert mit em Grill-Aalass im Mai(?). De Street hät's jo denn uf e Septämber nomol probiert, aber vo de viele Iteressänte isch churz vorhär plötzlich fascht kene me ume gsy. Use cho isch schliesslich de Sponti-Träff z'Aarau, wo rächt nätt gsy isch.

Drum vielleicht lieber "de Spatz i de Hand" plane. Dänn cha's doch au vorchoo, dass plötzlich en ganze Hufe zäme chömed. So jo by de Dütsche passiert mit em Flash synere "chliine" Spessarttour (wel glaub zweene de ander Termin ned gange isch), wo glaub schliesslich meh teilgnoh händ, als nochhär a de "grosse".

*ufeschieb*

No Meinige, Aaregige (Aa-regige, ned Aare-Gige )?

Sind die meischte andere meh d'Racer, wo möglichscht viu freese wend? Oder einsami Wölf?