Lackierer

chulo:

uf jedefall offerte ihole und vergliche

aber zersch kit und fälge zahle

edit: und wie gesagt.. alte farbe selber runterschleifen

oder fangs verträgli schicke

abe lah dir uf jedefau zyt mit deruswahl.. hesch ja sicher no 3 monet bis das würklech äs thema wird.. keni schnäu-schüss mache..

aber uf der angere site ou gnue im vorus plane (wiederspräche isch so schön) wüu die meischte wo iz chratzer und büle mache im winter warte bis ufe früehlig/summer und löh aues mitenang lah mache...

bärn isch haut äuä eifach z wiit für di für lackiere etc. gell? süsch hätt ig hie no chli chöne umefrage..

Hallo zäme!

Ich schriibe do mol wiiter, wils öppe ums gliiche goht und ich ned extra en neue Thread will ufmache für mini Frog...

Ich han a mim S vor d Front z cleane, sprich Honda-Zeiche weg, Nummerschildlöcher weg, s Nummereschild abe setzte und unde es schwarzes Streckmetallgitter inetue... D Front muess jo sehr wahrschinlich komplett neu lackiert werde... Kennt öpper vo eu en gueti Werkstatt (Umgäbig Wohle/Lenzburg AG) wo das zu faire Priise macht?
Und was chönnt das öppe choschte?

Danke

Gruess Marko

aso ich kenn eini wo en super arbet macht, de pris isch au dementsprechend... die wär in muri..

Schön dass du eini kennsch aber wär für mich villicht no interessant z wüsse welli dass du meinsch...

kensch di bits us in muri? fankhuser heissed die beide herre wo die betriebed, arbeit isch immer top.. ;o)

muesch halt mal verbi und froge, er seid der denn de pris eigentli grad und d'rechnig nach de arbet stimmt au immer mitm priis überi woner im vorus gseid hed.. *ggg*

Isch das die:

Fankhauser Carrosseriespritzwerk GmbH
Luzernerstrasse 5
5630 Muri AG

Jo, am beschte gangi mol det verbii go luege... isch jo eigentlich ide nöchi... wäg de chöschte, jo ich wet uf jede Fall gueti arbet gse und kei Farbunterschied... und das choschtet halt öppis... dorum hani au gschriebe "fairi Priise"

Danke für de Tipp Tee... kennets dich dört? Cha me no rabatt usehole wenn me seit me isch kolleg vom TEE?

ciao

per zuefall machi z gliche mit mire 00er front... es muess nid die ganzi front mit farb lackiert wärde. faire priis isch rund 500.--.

wenns guet gmacht wird wärde d löcher zuegschweisst lackiert und när "usgnäblet" und am schluss alles klarlack drüber. lackiersch du d wäschalag mit? i mache das äuä. ha die zersch ou wöue cleane aber das git ja widr nume problem obwohls viel geiler usgseht!

wenns suber wotsch, den lackiersch die ganzi front.... suscht gsehsch das je nach sunneistrahlig...

ja i ha ei zwei sache dete la mache, isch aber länger her, weis nid öbs mi na kenned.. de sash (sashep3) hed a sim ctr wo ja au mal es showcar gsi isch au alles dete la mache und seid au es isch super..

tee: die einte sägä dieses die andere das spielt he ufe priis nid soooo ä rolle da bruchsch ja niemals ä liter farb fürne front. dr kolleg schliesst iz de grad sini meischterprüefig ab.. dä het gseit är bring das so härä das höchschtens ä angere vom fach das im asatz erkennt.. we du suuber usnäblisch merksch da nid viu dervo..

z problem isch drum das ä front nid usem gliche materiau besteit wine huube und ä kotflügu. ds heisst d farb würkt outomatisch scho chli angers. usserdäm wird ä lackierig ab wärk im "sichtbereich" auso im obere teil scho mit sehr dünner farb/lack schichte usglieferet. gloub öppis um "80MÜ" im nid diräkt sichtbare bereich (ungere teil vom outo).. im obere isches äs bizeli meh. dr lackierer treit aber ällei lack (nid farb) mit der pistole scho rund "50MÜ" uf... auso wirds ä profi so oder ä so immer erkenne wüu's scho nume ä ungerschied git vo dä dicki vo dä schichte här. ä "normale" mönsch gseht das aber nie im läbä. und we mä suuber usnäblet gseht äs ungschuelets ou (u das hei so ziemlech aui wo nid grad outolackeirer si) ke ungerschied.

und zum thema sunne-istrahlig. ig zum bispil hane metallic lackierig bim silverstone.. da gsehsch eh ä ungerschied egal öb du alles lackiersch oder nid. d "splitter" wärde nie genau glich liege wie bir erschtlackierig.

naja, de farbunterschied bi mier kennsch ja..

ob die ganz front oder nur en teil isch mir eigentlich egal, hauptsach ich bin zfriede mit em resultat... wies da mached isch jo eigentlich gliich

@ street: bim 04er sind d wöschdüüse scho in wagefarb... bi mir wärs "numme" löcher zuemache und sprütze und ebe no s streckmetallgitter... mol luege, ich loh mer mol en offerte lo mache und teil euch das mit do... aber 500.- für alles wär i mine auge scho en faire priis...

isch das wo ig zahle... und i ha 4 nummereschild löcher zum wäg mache... ps: isch äs alt bild vom tag wo ig ds S2000 bi gah choufe.. gseht hüt angers us..

und äs isch bire bekannte lackiererei in bärn wo gueti arbeit macht mit garantie druff etc.

tee: ja leider... aber das cha äbä genau ou dervo cho wüu mäh alles lackiert het und alles ir "bizli" falsche farb... wenn z.b. hinde ir mitti ä schade wär gsi und gägä use wär usgnäblet worde würd mä das eventuell weniger gseh... isch ä gfährlechi ussag da mäh nid rächt gseht ab wo das d farb nid stimmt.. aber bi kante gseht mäs haut am beschte

do heder no schön usgseh! *herzchen seh*

jo eifach wie dine nur in silber

usser das mine e carbonlippe hed, carbonspiegeli und kei sitz meh drin..

wie scho gseid, wiiteri offerte ihole und vergliche..