Bilder vom kleinen Aargauer Sponti-Treff

    Dr Continental isch guat, 90% vo da Pneu wo mer verkaufen sind Continental. Also guat müands sii... ;) Werd uf min Polo im Winter welchi druf tuah...

    Fahrend iar dr S eigentlich ds ganza Johr dura? :)

    Zitat

    Original von Tomcat
    Meinsch das do vom September '07? :D

    do händ ihr wenigstens no d`Lözärner iglade, diesmol ned :cry:
    s`nächsch Mol bittä ä Bitrog inestäuä, gäu :nod:
    so wiit bin i jo ned wäg

    Grüess
    Pät

    "Ein Auto ist erst dann schnell genug, wenn man morgens davor steht und Angst hat es aufzuschließen." Walter Röhrl

    Hehe Patrick i han no a oi denkt, aber da alles chli spontan zeme cho isch wel de Tom und mir eh gseit hend mer müänd go ahstosse wen oise Wage cho isch und nacher sine kabutt gange isch hemmer alles chli "under de Hand" abgmacht ;)
    Nöd ihversüchtig si.. i glaub langsam wärs sowieso mal chli ziit für en "Region ZH/AG/SO/LU-Stammtisch" ;)

    Klar komm ich in die Hölle! Sogar mit VIP-Bändchen und Freigetränk!

    isch keis Problem - war au ned ernst gmeint :)
    i hätt äuä kei ziit gha, wöu i ha s`huare Puff in d Garage gha

    da könnt ma jo glei an schwiiz-Stammtisch moche - so gross is des Land ned :D

    "Ein Auto ist erst dann schnell genug, wenn man morgens davor steht und Angst hat es aufzuschließen." Walter Röhrl

    hehe ja hetsch oisi garage au no chöne ufruume ;) und d chuchi und d stube grad dezue ;):lol:
    ja guet, aber chasch ja nöd eimal im monet die ganz schwiizerfraktion zemmetrummle ;)

    Klar komm ich in die Hölle! Sogar mit VIP-Bändchen und Freigetränk!

    wohl, so viue sinds ja dann au wieder ned
    OK, vielleicht d`Bündner händ vielleicht es bitzeli ä witi Anreis

    "Ein Auto ist erst dann schnell genug, wenn man morgens davor steht und Angst hat es aufzuschließen." Walter Röhrl

    Jo, Stammtisch, do hani die letschte Täg au drüber nochetänkt. Aber nur irgendwo träffe und Stamm ha isch je nochdäm au ööd. So öppis wie am Sunntig findi guet: Mischig us änefahre (leider nur zum Teil gmeinsam), öppis aaluege und gmüetlich zämehocke.

    Somit lancier ich d'Idee vom :idea: Mobile Stamm :idea:

    Söll zwüsche emene 'stuure' Stammtisch (wo im Winter ä Option wär) und eigentliche Events wie Ganztagestoure lige. Was mir vorschwäbt:

    :arrow: eine kennt e tolli Strecki, en Besichtigungspunkt, e gmüetlichi Beiz oder was au immer und laadt zum ene mobile Stamm y
    :arrow: eher churzfrischtig abmache, wenn mer ungfähr s'Wätter könnt
    :arrow: e gmeinsami Fahrtstrecki sött dinne sy (wenn also z.B. Uussichtsbeiz: vomene Träffpunkt us zäme uefahre), aber au gnueg Zyt zum Quatsche und e (Flüssig-)Verpflegigsmöglichkeit sötts gä
    :arrow: drü 'S' länget, das es stattfindet (gyt andere d'Möglichkeit, sich churzfrischtig aazschlüsse)
    :arrow: Zytrahme: paar Stund bis halbe Tag

    Wie scho obe aatönt, würd i (sobald d'OZ mit Summerpneu ändlich druff sind) mol vo Aarau uus zunere Uusfahrt is Blaue ylade. Programm: quer dur d'Lanschaft um es paar Kurve, en kulturelle Punkt und dänn ab id Beiz... :]


    P.S. Daf natürlich statt öppis Kulturells au öppis sportlichs sy. :roll: Kegeln, Minigolf, Bowling, Billard etc. Aber eigentlich längt's, wänn s'Auto sportlich isch! :lol:

    hey.... hahaha :D ich muss selber lache aber glaub mer, genau das bild isch mer det obe au in sinn cho und ich denke öppe die no drüber nah wenn en vogel s'gfühl het er müssi über mich bzw. min S flüüge :roll:

    sau fiicher :twisted: